Тус шүүхийн “Соёл, спорт хариуцсан ажлын хэсэг”-ээс шүүгч, ажилтны дунд эрүүл мэндийг дэмжих, хөдөлмөрийн явцад бий болсон ядралыг сэргээх, ажлын чадварыг нэмэгдүүлэн улмаар хөдөлмөрийн бүтээмжийг дээшлүүлэх зорилгоор долоо хоног бүрийн Даваа, Лхагва, Баасан гарагуудад “Эрүүл биед саруул ухаан оршино” уриатай дасгал хөдөлгөөнийг хийж хэвшүүлээд байна. Дасгал хөдөлгөөнийг ажлын хэсгийн гишүүн эвлэрүүлэн зуучлагчийн туслах Г.Минжбадгар удирдан явуулж байна.